„ჩვენ და ჩვენი უფლებები“ – შეხვედრა ახალციხეში
სამცხე–ჯავახეთი. 10 დეკემბერს, ახალციხეში, ადამიანის უფლებათა დაცვის საერთაშორისო დღეს გამოეხმაურნენ: ასოციაცია „ლიბერალის" ორგანიზებით, ახალციხის დემოკრატიული ჩართულობის ცენტრში, გაიმართა შეხვედრა სახელწოდებით – „ჩვენ და ჩვენი უფლებები". შეხვედრას არასამთავრობო ორგანიზაციების, იუსტიციის სახლის, ასევე ადგილობრივი თვითმმართველობის წარმომადგენლები დაესწრნენ. მონაწილეებმა ადამიანის უფლებების დაცვის შესახებ ისაუბრეს.მათ ასევე სოლიდარობა გამოუცხადეს რადიო თავისუფლების აზერბაიჯანელ ჟურნალისტს ხაჯიდა ისმაილოვას.
