შიდა ქართლი. საქველმოქმედო ჰუმანიტარული ცენტრი „აფხაზეთი" რამდენიმე აქტივობით გამოეხმაურა ადამიანის უფლებათა დღეს. ორგანიზაციის პროექტის – „ახალგაზრდების ჩართულობა და განვითარება" – ფარგლებში გორის თემის 4 სამიზნე სკოლაში შექმნილმა კლუბებმა სხვადასხვა ღონისძიებები გამართეს. კერძოდ: 10 დეკემბერს ხიდისთავის საჯარო სკოლაში მოეწყო დოკუმენტური ფილმის ჩვენება შრომით უფლებებზე, რომლის დასრულების შემდგომ გაიმართა მისი განხილვა. მეჯვრისხვეის და შავშვების საჯარო სკოლებში ჩატარდა აქცია - ბავშვებმა მოცემულ თემაზე დახატეს სურათები, მოამზადეს პოსტერები და ლოზუნგები. აქციის ბოლოს გაიმართა დებატები ბავშვებსა და სამოქალაქო განათლების მასწავლებლებს შორის ხოლო ტირძნისის საჯარო სკოლაში მოხდა ადამიანის უფლებებზე სოციალური ვიდეორგოლების განხილვა.