კახეთი. 11 დეკემბერს, ნატოსა და ევროკავშირის შესახებ საინფორმაციო ცენტრის კახეთის ბიუროსა და ნიდერლანდების მრავალპარტიული დემოკრატიის ინსტიტუტის (NIMD) ორგანიზებით სიღნაღში შეხვედრა გაიმართა.
იგი პროექტის - „ახალგაზრდული პარტნიორობა-მომავლის პერსპექტივა" - ფარგლებში ჩატარდა, რომელიც ითვალისწინებს საინფორმაციო ხასიათის შეხვედრებს საჯარო სკოლის მოსწავლეებთან და მათი ცოდნისა და ცნობიერების დონის ამაღლებას ევროკავშირის ისტორიის, საქართველო-ევროკავშირის ურთიერთობებისა და ასოცირების ხელშეკრულებასთან დაკავშირებულ საკითხებში. მოსწავლეებს გადაეცათ გზამკვლევი - „ევროკავშირი და საქართველო".
პროექტი ხორციელდება საერთაშორისო ორგანიზაციების - ნიდერლანდების მრავალპარიული დემოკრატიის ინსტიტუტისა (MIND) და ევროპული პარტნიორობა დემოკრატიისთვის მხარდაჭერით.
პროექტი ითვალისწინებს ინტერნეტ რადიოს დაფუძნებას, ტელეგადაცემებისა და ბროშურების მომზადებას ასოცირების ხელშეკრულებასა და ევროკავშირის თემატიკაზე.