კახეთი. აღმოსავლეთ ევროპის ქვეყნების ჟურნალისტები და მედია მენეჯერები გაცვლითი პროგრამის „აღმოსავლეთ ევროპული საგაზეთო პარტნიორობა" – ფარგლებში თელავს ეწვივნენ. პროექტის ფინანსური მხარდამჭერია „დოიჩე ველეს" აკადემია.
პროგრამის წარმომადგენლები შეხვდნენ სამოქალაქო საზოგადოების წარმომადგენლებს, ჟურნალისტებსა და ქალაქის ვიცე-მერს. ისინი გაეცნენ რეგიონის ტურიზმისა და ღვინის ინდუსტრიას.
პროექტის ორგანიზატორების თქმით, პროექტის ფარგლებში მოხდება ევროპულ თემებზე მომზადებული პუბლიკაციების გაცვლა. დაგეგმილია ერთობლივი ვორქშოპები პროექტის მონაწილე უკრაინის, მოლდოვასა და საქართველოს სხვადასხვა გაზეთების რედაქციებში, სხვადასხვა თემებზე სტატიების მომზადების მიზნით, ასევე, აღმოსავლეთ პარტნიორობის ქვეყნების ჟურნალისტებს შორის კონტაქტების დასამყარებლად.