კლდიაშვილის ადვოკატები შესაგებელს წარადგენენ პროკურატურის საჩივარზე
თბილისი. 21 იანვარს 17:00 საათზე, თბილისის საქალაქო სასამართლოში გიორგი კლდიაშვილის ადვოკატები წარადგენენ შესაგებელს პროკურატურის საჩივარზე, რომელიც ინფორმაციის თავისუფლების განვითარების ინსტიტუტის (IDFI) ყოფილი ხელმძღვანელის მიმართ სასამართლოს განჩინებით სისხლის სამართლის საქმის შეწყვეტას ეხება. კლდიაშვილის ინტერესებს საია იცავს.
2015 წლის 20 იანვარს საქართველოს მთავარმა პროკურატურამ გაასაჩივრა თბილისის საქალაქო სასამართლოს მიერ, 15 იანვარს მიღებული გადაწყვეტილება, გიორგი კლდიაშვილის საქმის შეწყვეტის შესახებ.
წყარო: საიას ვებგვერდი სოციალურ ქსელში
