კახეთი. თელავში, შეზღუდული შესაძლებლობების მქონე პირთა სოციალური ზრუნვის ცენტრი გაიხსნა. იგი პროექტის - ,,გრასრუტებისა და ადამიანთა უსაფრთხოების პროექტების'' ფარგლებში ფონდის ,,ახალი სიცოცხლის" ინიციატივითა და იაპონიის საელჩოს დაფინანსებით შეიქმნა.
სოციალური ზრუნვის ცენტრის გახსნას იაპონიის სრულუფლებიანი ელჩი საქართველოში ტოშიო კაიტანიც ესწრებოდა. ელჩის განცხადებით, აღნიშნული პროექტის საგრანტო შეთანხმებას, ხელი შარშან მოეწერა: ,,პროექტის ფარგლებში გარემონტდა და კეთილმოეწყო შეზღუდული შესაძლებლობების მქონდ პირთა სოციალური ზრუნვის ცენტრის შენობა თელავში, რის შედეგადაც უზრუნველყოფილი იქნება უფრო უსაფრთხო და კომფორტული გარემო 200-ზე მეტი ბენეფიციარისთვის. პროექტის გრანტის ოდენობა 90,469 აშშ დოლარია'', - განაცხადა ტოშიო კაიტანიმ.