შიდა ქართლი. 4 თებერვალს „კეთილდღეობისა და განვითარების ცენტრთან" არსებულმა გორის ახალგაზრდულმა ცენტრმა კიბოსთან ბრძოლის მსოფლიო დღე აღნიშნა. ეს დღე ყოველი წლის 4 თებერვალს აღინიშნება, და დაავადების შესახებ საზოგადოების ცნობიერების ამაღლებას ემსახურება.
მსოფლიო ჯანდაცვის ორგანიზაცია კიბოს წინააღმდეგ ბრძოლის საერთაშორისო ორგანიზაციასთან ერთად მნიშვნელოვან სამუშაოებს ატარებს, რათა მაქსიმალურად გაიზარდოს ინფორმირებულობა ამ დაავადების მიმართ და მოხდეს მასთან ბრძოლის გზების დასახვა.
გორის ახალგაზრდულმა ცენტრმა კი შიდა ქართლის მასშტაბით მოიძია ის უფასო პროგრამები, რომლებიც ხორციელდება ამ მიმართულებით და საინფორმაციო ფლაერის სახით გაავრცელა ქალაქის მასშტაბით. დარიგებული ფლაერები დაეხმარება მოქალაქეებს საჭირო ინფორმაციის მოძიებაში.
აქტივობა დაიგეგმა „ეროვნული ინტეგრაციის გაძლიერება საქართველოში" პროექტის ფარგლებში, რომელიც ხორციელდება საქართველოს გაეროს ასოციაციის მიერ, აშშ-ს საერთაშორისო განვითარების სააგენტოს (USAID) მხარდაჭერით. გორში პროექტის პარტნიორი ორგანიზაციაა „კეთილდღეობისა და განვითარების ცენტრი".