იმერეთი. 12 თებერვალს, ქუთაისში გაიმართა დისკუსია დისკრიმინაციის საკითხებზე, რომელსაც სახალხო დამცველის აპარატის იმერეთის რწმუნებული უძღვებოდა და მას ქუთაისის ახალგაზრდული ცენტრის წევრები ესწრებოდნენ.
დისკუსიისას განიხილეს დისკრიმინაციის ფორმები, რწმენისა და აღმსარებლობის თავისუფლების საკითხები. ასევე შეხვედრაზე მიმოიხილეს ადამიანის უფლებების დღეს არსებული მდგომარეობა.
შეხვედრა გაიმართა საქართველოში ეროვნული ინტეგრაციის გაძლიერების პროექტის ფარგლებში, რომელსაც საქართველოს გაეროს ასოციაცია, აშშ–ის საერთაშორისო განვითარების სააგენტოს მხარდაჭერით ახორციელებს, იმერეთში პროექტის პარტნიორია ქუთაისის განათლების განვითარების და დასაქმების ცენტრი.
წყარო: ორგანიზაციის ვებგვერდი სოციალურ ქსელში