აჭარა. 23 მარტს, ბათუმის დემოკრატიული ჩართულობის ცენტრში, არასამთავრობო ორგანიზაციების – „ცვლილებები თანაბარი უფლებებისათვის" და „ბორჯღალის" ორგანიზებით გაიმართა საინფორმაციო შეხვედრა. „ვიცოდეთ მეტი შეზღუდული შესაძლებლობის შესახებ" – ასე ერქვა შეხვედრას, რომელსაც საჯარო და კერძო სკოლის მოსწავლეები ესწრებოდნენ. საინფორმაციო შეხვედრის მიზანია ახალგაზრდების ცნობიერების ამაღლება და შშმ პირთა ინკლუზიის პროცესის ხელშეწყობა.