აჭარა. 27 ივნისს, ბათუმში ფორუმი გაიმართა, სადაც განიხილეს გაეროს შშმ პირთა უფლებების კონვენციის იმპლემენტაცია და თვითმმართველობების როლი. შეზღუდული შესაძლებლობების მქონე მოქალაქეებისთვის თანაბარი შესაძლებლობების უზრუნველყოფისა და გამოწვევების შესახებ დასავლეთ საქართველოში მოქმედი არასამთავრობო ორგანიზაციების წარმომადგენლებმა, ექსპერტებმა, ადგილობრივი თვითმმართველობის, საქართველოს ჯანდაცვის სამინისტროსა და მთავრობის ადმინისტრაციის წევრებთან ერთად იმსჯელეს. ფორუმი ორგანიზაციის – „ხელმისაწვდომი გარემო ყველასთვის" - ინიციატივითა და ფონდ „ღია საზოგადოების" მხარდაჭერით გაიმართა.