თბილისი. ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა, დავით ბაქრაძემ ჟურნალისტებისთვის ნატოს შესახებ საზაფხულო სემინარი დახურა. სემინარის მონაწილეებს სერთიფიკატები გადაეცათ.

ორი დღის განმავლობაში სემინარზე მოწვეულმა ექსპერტებმა და მედიის წარმომადგენლებმა ჩრდილო-ატლანტიკური ალიანსის პოლიტიკაზე იმსჯელეს. ჟურნალისტებმა, ასევე, მიიღეს ინფორმაცია ნატოსა და საქართველოს შორის არსებული თანამშრომლობის მექანიზმებისა და ინტეგრაციის პროცესის შესახებ.

სემინარი არასამთავრობო ორგანიზაციის „ინტეგრაცია-გზა ნატოსა და ევროკავშირისკენ” – ორგანიზებით, ნატოს საჯარო დიპლომატიის დეპარტამენტის თანადაფინანსებით გაიმართა

წყარო: ორგანიზაციის ვებ-გვერდი სოციალურ ქსელში