თბილისი. საზოგადოებრივი ორგანიზაცია „რადარამი"იწყებს კონკურსს „იკითხე და ჩაერთე დიალოგში", რომლის ფარგლებში ორგანიზაცია ერთგულ მკითხველს სთავაზობს, დაწეროს შთაბეჭდილება, მოსაზრება რადარამის მიერ უკვე გამოცემულ ოთხ წიგნიდან ერთ-ერთზე (ან ოთხივეზე).

კონკურსში მონაწილე პირებმა წიგნის მიმოხილვა უნდა გააგზავნონ მეილზე info@radarami.org ან მიწერონ Facebook გვერდზე. ყველაზე საინტერსო 5 მიმოხილვა გამოვლინდება „რადარამის" თანამშრომლების მიერ და Facebook-ის მეშვეობით.

გამარჯვებულთა პირველ ხუთეულს საჩუქრად გადაეცემა „რადარამის" წიგნების კომპლექტი. ასევე სურვილისამებრ, ეს ადამიანები ჩაერთვებიან ახალი წიგნების პრეზენტაციის კამპანიაში საქართველოს სხვადასხვა რეგიონში.

წყარო: ორგანიზაციის გვერდი სოციალურ ქსელში