თბილისი. „სამართლიანი არჩევნებისა და დემოკრატიის საერთაშორისო საზოგადოება" (ISFED) ეხმაურება კოალიცია „ქართული ოცნების" განცხადებას საარჩევნო სისტემის რეფორმასთან დაკავშირებით.

„ვერ გავიზიარებთ ხელისფლების არგუმენტს, რომლის თანახმადაც ძირეული რეფორმის განხორციელება არჩევნებამდე ვერ მოესწრება. უნდა აღინიშნოს, რომ არასამთავრობო სექტორი, საექსპერტო წრეები და პოლიტიკური პარტიები ორ წელიწადზე მეტია ხელისუფლებას საარჩევნო სისტემის ცვლილების კონკრეტულ მოდელს სთავაზობენ", ნათქვამია ორგანიზაციის განცხადებაში. „სამართლიანი არჩევნები" მოუწოდებს ხელისუფლებას და საპარლამენტო უმრავლესობას არ გადადოს საარჩევნო კოდექსის რეფორმა.

წყარო: www.isfed.ge