სამოქალაქო პლატფორმაში „არა ფობიას!“ შემავალი ორგანიზაციების განცხადება
თბილისი. სამოქალაქო პლატფორმაში „არა ფობიას" შემავალი ორგანიზაციები ეხმაურებიან დოკუმენტს „ხულოს მუნიციპალიტეტის საკრებულოს "ქართული ოცნება – დემოკრატიული საქართველოს” ფრაქციის თავმჯდომარის ანგარიში გაწეული მუშაობის შესახებ”. „აღნიშნული დოკუმენტი სიძულვილის ენას და არმენოფობიული ხასიათის გამონათქვამებს შეიცავს", ნათქვამია განცხადებაში.
პლატფორმაში შემავალი ორგანიზაციები მიმართავენ სახალხო დამცველს თავისი კომპეტენციის ფარგლებში შეისწავლოს და რეაგირება მოახდინოს აღნიშნულ ფაქტზე. ასევე, პოლიტიკურ გაერთიანება „ქართულ ოცნებას" მოუწოდებენ შიდაპარტიული მექანიზმების გამოყენებით რეაგირება მოახდინოს აღნიშნულ ქსენოფობიურ გამოხატვაზე.
წყარო: gyla.ge
