დისკუსია - ლარის გაუფასურების გავლენა ეკონომიკაზე
თბილისი. 17 სექტემბერს, ინფორმაციის თავისუფლების განვითარების ინსტიტუტის (IDFI) ორგანიზებით გაიმართა დისკუსია „ეროვნული ვალუტის გაუფასურების გავლენა საქართველოს ეკონომიკაზე". დისკუსია ჩატარდა პროექტის „სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება"-ს ფარგლებში. დისკუსიაში მონაწილეობდნენ საქართველოს მთავრობის, საქართველოს ეროვნული ბანკის, არასამთავრობო და კვლევითი ორგანიზაციების წარმომადგენლები.
„მომხსენებლებმა ისაუბრეს ლარის გაუფასურების გამომწვევ მიზეზებზე და იმ ნეგატიურ შედეგებზე, რომელიც შეიძლება მოჰყვეს ეროვნული ვალუტის გაუფასურებას მოკლე და საშუალო ვადიან პერსპექტივაში", ნათქვამია ორგანიზაციის ვებ-გვერდზე. პროექტის ფარგლებში მოეწყობა სადისკუსიო პლატფორმა და 5 მსგავსი ტიპის შეხვედრა ჩატარდება.
წყარო: idfi.ge
