​აჭარა. 12 დეკემბერს, თვითმმართველ ქალაქ ბათუმის საკრებულოსთან არსებულმა „სამოქალაქო მრჩეველთა საბჭომ" გამართა შეხვედრა ბათუმში მოქმედი საზოგადოებრივი და მედია–ორგანიზაციების წარმომადგენლებთან.  შეხვედრის მიზანს თითოეული სექტორიდან „სამოქალაქო მრჩეველთა საბჭოს" ორ–ორი წევრის  შერჩევა წარმოადგენდა. ფარული კენჭისყრით მედია–ორგანიზაციებმა აჭარის ტელე–რადიო დეპარტამენტისა და ტელეარხ 25–ს წარმომადგებლები აირჩიეს. რაც შეეხება საზოგადოებრივი ორგანიზაციებს ხმათა უმრავლესობით სამოქალაქო  საზოგადოების ინსტიტუტი  და საქართველოს ახალგაზრდა იურისთა ასოციაცია გახდებიან „სამოქალაქო მრჩეველთა საბჭოს" წევრები. „სამოქალაქო მრჩეველთა საბჭო" წარმოადგენს თვითმმართველ ქალაქ ბათუმის საკრებულოსთან არსებულ საკონსულტაციო ორგანოს, რომლის მთავარი დანიშნულება გამჭვირვალობის, მოქალაქეთა ჩართულობისა და თანამონაწილეობის უზრუნველყოფაა თვითმმართველობისა საქმიანობაში, ასევე რეკომენდაციების წარდგენა სხვადასხვა აქტუალურ საკითხებზე.