აჭარა. 4 დეკემბერს, „დემოკრატიის ინსტიტუტის" ოფისში, ამავე ორგანიზაციის მიერ ევროკავშირის საგრანტო კონკურსში გამარჯვებული პროექტის პრეზენტაცია გაიმართა. პროექტის ფარგლებში დაგეგმილია დასაქმებაზე ორიენტირებული სერვისების ჩამოყალიბება, რაც დასაქმების მსურველს საჭირო უნარებს გამოუმუშავებს. ამასთან, ბათუმში, ქედასა და ქობულეთში ტრენინგ-ცენტრები ამოქმედდება, სადაც უმუშევრები, დაბალ ანაზღაურებად სამსახურებში დასაქმებულები და თვითდასაქმებულები გადამზადდებიან. პროექტის პრეზენტაციას ევროკავშირის წარმომადგენელი საქართველოში, საზოგადოებრივი ორგანიზაციების, საჯარო უწყებებისა და მედია ორგანიზაციების წარმომადგენლები ესწრებოდნენ.