იმერეთი. 10 დეკემბერს, ადამიანის უფლებათა დაცვის საერთაშორისო დღესთან დაკავშირებით, საქართველოს სახალხო დამცველმა პარლამენტთან ერთად მიღება გამართა.

„ღონისძიებაზე სიტყვით გამოსვლისას სახალხო დამცველმა ხაზი გაუსვა 2015 წელს ადამიანის უფლებათა დაცვის სფეროში განხორციელებულ პოზიტიურ ცვლილებებს, მათ შორის, საქართველოს არჩევა გაეროს ადამიანის უფლებათა საბჭოს წევრად, არასრულწლოვანთა მართლმსაჯულების კოდექსის მიღება, რეფორმები მართლმსაჯულებისა და პროკურატურის სისტემაში. ომბუდსმენმა ასევე, ყურადღება გაამახვილა იმ საკითხებზე, რომლებიც კვლავ გამოწვევებად რჩება და მართალია, გარემო შეცვლილია, მაგრამ ცვლილებები არ არის საკმარისი, რომ პროცესი შეუქცევადი გახდეს”, ნატქვამია ომბუდსმენის ვებ-გვერდზე.

წყარო: www.ombudsman.ge