აჭარა. 16 დეკემბერს, საზოგადოებრივი ორგანიზაციის „ბორჯღალის" საკონფერენციო დარბაზში, იურისტთა გაერთიანება „თემიდამ" მორიგი დისკუსია მოაწყო, თემაზე - „პროზელიტიზმი". დისკუსიის მონაწილეებმა პროზელიტიზმის დადებითი და უარყოფითი მხარეები განიხილეს, ასევე ისაუბრეს აღნიშნულის გავრცელების  კეთილსინდისიერ და არაკეთილსინდისიერ  გზებზე. დამსწრეთა უმრაველესობა პროფესიით იურისტები იყვნენ, სწორედ ამიტომ, საკითხი არა რელიგიურ, არამედ სამართლებრივ ჭრილში განიხილეს. შეხვედრის ერთ-ერთ მიზანს აღნიშნულის შესახებ კანონპროექტის მომზადება წარმოადგენდა, რომელიც სხვადასხვა რელიგიის ქადაგების/გავრცელების სამართლებრივ რეგულირებას გულისხმობს.