„ახალგაზრდა ადვოკატების“ პროექტის საბოლოო ანგარიში
თბილისი. ორგანიზაცია „ახალგაზრდა ადვოკატებმა" პროექტის „სტიქიით დაზარალებულ ქალთა ადვოკატირება", შემაჯამებელი ანგარიშის პრეზენტაცია გამართა.
„პროექტი სამი თვის განმავლობაში მიმდინარეობდა და მისი მიზანი იყო თბილისში, 2015 წლის 13 ივნისს სტიქიის შედეგად დაზარალებულ ოჯახებში ქალთა იურიდიული დახმარების უზრუნველყოფა. ორგანიზაციამ, ქალთა სპეციალური ჯგუფის დახმარებით, განახორციელა დაზარალებულების ანკეტური გამოკითხვა, რის შედეგადაც გამოიკვეთა ის პრობლემები, რომლებიც შეექმნათ სტიქიის ზონაში მცხოვრები ოჯახების ქალებს დაკარგული და განადგურებული ქონების კომპენსირების საკითხებთან დაკავშირებით", ნათქვამია ორგანიზაციის ვებ-გვერდზე.
წყარო: www.barristers.ge
