ომბუდსმენის განცხადება პოლიციის მხრიდან უფლებამოსილების შესაძლო გადამეტებაზე
თბილისი. ომბუდსმენი ეხმიანება საინფორმაციო საშუალებებით გავრცელებულ ინფორმაციას, სავარაუდოდ ეთნიკური ნიშნით, სამართალდამცავი ორგანოების მხრიდან გ.გ–სა და ა.წ–ს მიმართ შესაძლო ძალადობის ფაქტთან დაკავშირებით.
„საქართველოს სახალხო დამცველი შეახსენებს სამართალდამცავი ორგანოების წარმომადგენლებს, რომ სახელმწიფომ ცალსახად გამოხატა პოლიტიკა სიძულვილით მოტივირებული დანაშაულის მიმართ, როდესაც გაამკაცრა პასუხისმგებლობა და შემოიღო სპეციალური დეფინიცია. შესაბამისად, თუკი ამ დანაშაულის ჩამდენი სამართალდამცავი სისტემის წარმომადგენელია, სახელმწიფოს ეკისრება პასუხისმგებლობა დაუმტკიცოს საზოგადოებას, რომ მისი ეს პოლიტიკა მხოლოდ ფურცელზე დეკლარირებული არ არის. გამოიყენოს კანონი მთელი სიმკაცრით და არ დატოვოს შერჩევითი მართლმსაჯულების თუნდაც მცირედი ეჭვი", ნათქვამია ომბუდსმენის განცხადებაში.
წყარო: www.ombudsman.ge
