„სახელმწიფოს კუთვნილი კომპანიების გაუმჭვირვალობის შედეგები“
თბილისი. ინფორმაციის თავისუფლების განვითარების ინსტიტუტი (IDFI) აქვეყნებს სტატიას: „სახელმწიფოს კუთვნილი კომპანიების გაუმჭვირვალობის შედეგები - შპს „გაერთიანებული წყალმომარაგების კომპანიის" მაგალითზე".
„ამჯერად, ჩვენს მიერ განხილული იქნება 2015 წელს მათ მიერ წარდგენილ დეკლარაციებში ასახული მონაცემები, რომელიც მოიცავს 2014 წელს სამუშაოს შესრულებით მიღებულ შემოსავლებს. 2014 წელს შრომის ანაზღაურების სიდიდით გამორჩეულია სს საპარტნიორო ფონდის ყოფილი აღმასრულებელი დირექტორი ირაკლი კოვზანაძე- 336 000 ლარი, სს-საქართველოს სახელმწიფო ელექტრო სისტემის მმართველთა საბჭოს თავმჯდომარე სულხან ზუმბურიძე - 263 374 ლარი. საქართველოს რკინიგზის გენერალური დირექტორის მამუკა ბახტაძის, 2014 წლის შრომის ანაზღაურებამ შეადგინა 248 652 ლარი, საიდანაც მას რკინიგზის დირექტორის პოზიციაზე მიღებული აქვს 186 780 ლარი, შპს ჯორჯია ტრანზიტის სამეთვალყურეო საბჭოს წევრის პოზიციაზე - 43 308 ლარი, ხოლო შპს ჯრ ტრანზიტ ლაინის სამეთვალყურეო საბჭოს წევრის პოზიციაზე - 18 564 ლარი", ნათქვამია ორგანიზაციის ვებ-გვერდზე.
წყარო: idfi.ge
