საიას განცხადება მაგდა პაპიძის საქმეზე
თბილისი. საქართველოს ახალგაზრდა იურისტთა ასოციაცია ეხმაურება მაგდა პაპიძის საქმესთან დაკავშირებით პროკურატურის მიერ გავრცელებულ შუალედურ ინფორმაციას.
„გვსურს, გამოვეხმაუროთ საქართველოს პროკურატურის მიერ გამოქვეყნებულ შუალედურ ინფორმაციას მაგდა პაპიძის სისხლის სამართლის საქმესთან დაკავშირებით. ვთვლით, რომ ანგარიშის შინაარსი, ტერმინოლოგია და ხასიათი, ისევე როგორც მასში მოყვანილი კონკრეტული მტკიცებულებების დეტალურად გამოქვეყნება, არსებითად ზღუდავს და აზარალებს ბრალდებულის უფლებრივ მდგომარეობას; აღნიშნულ ინფორმაციას შეუძლია ნეგატიური ზეგავლენა იქონიოს სისხლის სამართლის საქმის შემდგომ მიმდინარეობაზეც", ნათქვამია ორგანიზაციის ვებ-გვერდზე.
წყარო: gyla.ge
