ქვემო ქართლი. 29 თებერვალს, „სიდას" პროექტის „იურიდიული დახმარებისა და სტრატეგიული სამართალწარმოების სერვისები ქვემო ქართლში" პრეზენტაცია გაიმართა, რომელსაც ესწრებოდნენ ადგილობრივი მთავრობის, არასამთავრობო ორგანიზაციებისა და მედიის წარმომადგენლები.

„პროექტი მიმართულია ქვემო ქართლის რეგიონში ქალთა და უმცირესობათა ჯგუფებისათვის მართლმსაჯულების ხელმისაწვდომობის გაუმჯობესებისკენ. მისი მიზნის განხორციელება გათვალისწინებულია სტრატეგიული სამართალწარმოების საქმეების გამოვლენით, საჭიროების შემთხვევაში სასამართლოში წარმომადგენლობის უზრუნველყოფით, პოტენციური ბენეფიციარების ცნობიერების ამაღლებით და ქალთა და უმცირესობების უფლებების პოლიტიკისა და საკანონმდებლო გარანტიების გაუმჯობესებით", ნათქვამია ორგანიზაციის განცხადებაში.

წყარო: ორგანიზაციის ვებ-გვერდი სოციალურ ქსელში