თბილისი. 9-18 მარტს, ევროკავშირის წარმომადგენლობა საქართველოში, ევროკავშირის წევრი სახელმწიფოების საელჩოებთან ერთად, აცხადებს ევროკავშირის მე-4 კინოფესტივალს თბილისში, რუსთავში, ბოლნისში, ქუთაისსა და მესტიაში.

წელს ფესტივალზე წარმოდგენილი იქნება 17 ფილმი, რომელიც ევროპული კინოს 72-წლიან ისტორიას ასახავს. სპეციალურად შერჩეული ფილმების საერთო თემაა „გარდამტეხი მომენტები" და ისინი პირად, სოციალურ და პოლიტიკურ ცხოვრებაში გადაწყვეტილებების მიღების მნიშვნელობას ეძღვნება. ყველა ფილმი ნაჩვენები იქნება ორიგინალის ენაზე, ქართული სუბტიტრებით.

წყარო: www.eufilm.ge