87 წლის ელენე ლუხუტაშვილის ნამუშევრების გამოფენა
თბილისი. გენდერული საინფორმაციო პორტალი ელენე ლუხუტაშვილის შემოქმედებაზე ბლოგპოსტს აქვეყნებს.
„87 წლის ელენე ლუხუტაშვილი თელავში ცხოვრობს. როგორც განაცხადეს ეროვნულ ბიბლიოთეკაში, მისი ნამუშევრების გამოფენა ნიუ-იორკში მყოფი ქართველი ემიგრანტის ცისნამი საყვარლიშვილის ინიციატივით იმართება.
მარტოხელა მოხუცის შემოქმედება საუცხოოა. ნახატები შექმნილია შუშის ბოთლების, ჭურჭლის, თიხის ნამტვრევებით, ქვების, ცემენტის და ქვიშის გამოყენებით. თავად ქალბატონი ელენეს ცხოვრების ისტორიაც ძალიან საინტერესო და სევდიანია. ყველა ნამუშევარს თავისი ისტორია აქვს და რაღაც ამბავს გვიყვება.
16 და 17 დეკემბერს ყველა მსურველს ექნება საშუალება, იხილოს ელენე ლუხუტაშვილის ნამუშევრები საჯარო ბიბლიოთეკაში", ნათქვამია პორტალზე.
წყარო: ginsc.net
