ტრენინგი „შემოქმედებითი წერა“
თბილისი. 18 დეკემბერს, ახალგაზრდა პედაგოგთა კავშირის თბილისის ლიდერთა სკოლის მოსწავლეებისთვის მწერალმა ანა კორძაია-სამადაშვილმა ჩაატარა ტრენინგი თემაზე: „შემოქმედებითი წერა".
„ტრენინგის პირველ ეტაპზე მოსწავლეებმა მიიღეს ინფორმაცია იმის შესახებ, თუ რა არის შემოქმედებითი წერა, რა ნიუანსები უნდა გაითვალისწინონ წერის პროცესში, ხოლო მეორე ეტაპზე, მოსწავლეებს მიეცათ დავალება, რომელთა პრეზენტაციაც გაიმართა ტრენინგის დასკვნით ნაწილში. შეხვედრის ბოლოს თითოეულმა მოსწავლემ მიიღო რეკომენდაციები საკუთარ ნაშრომებთან დაკავშირებით", ნათქვამია ორგანიზაციის ვებ-გვერდზე სოციალურ ქსელში.
წყარო: ორგანიზაციის ვებ-გვერდი სოციალურ ქსელში
