ბლოგპოსტი: „კობახიძეების ოჯახის წევრები და სახელმწიფოს შერჩევითი მიდგომები“
თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „კობახიძეების ოჯახის წევრები და სახელმწიფოს შერჩევითი მიდგომები".
„საპარლამენტო უმრავლესობის მოქმედი წევრის და ყოფილი ვიცე- სპიკერის საკონსტიტუციო სასამართლოში დანიშვნა მიუთითებს ხელისუფლების ნებაზე მოახდინოს სასამართლოს პოლიტიზება და მაკონტროლებელი კონსტიტუციური ინსტიტუციის მის მიმართ პოლიტიკურად ლოიალური პირებით დაკომპლექტება. ამგვარი მიდგომით ეჭვქვეშ დგება ხელისუფლების დანაწილების და ხელისუფლების სხვადასხვა შტოების მიერ ურთიერთშეკავების პრინციპის პრაქტიკული არსებობა ქვეყანაში. ყოველივე საფრთხეს შეუქმნის საკონსტიტუციო სასამართლოს რეპუტაციას და შეაფერხებს, ამ ინსტიტუტის მიმართ საზოგადოების ნდობის გაზრდას", ნათქვამია ორგანიზაციის ვებ-გვერდზე.
წყარო: www.transparency.ge
