„როგორ შეასრულა ჯანდაცვის სამინისტრომ ომბუდსმენის რეკომენდაციები?!“
თბილისი. პარტნიორობა ადამიანის უფლებებისთვის (PHR) ომბუდსმენის 2015 წლის ანგარიშში ასახულ იმ საკითხებს/რეკომენდაციებს გამოყოფს, რომლებიც ორგანიზაციის პრიორიტეტებად ისახება.
„სახალხო დამცველის ერთ-ერთი რეკომენდაცია ჯანდაცვის სამინისტროს ავალდებულებდა, მიეღო ყველა საჭირო ზომა, რათა ფსიქიატრიულ დაწესებულებაში მოთავსებული არცერთი პაციენტის მიმართ აღარ ყოფილიყო გამოყენებული იზოლაცია, როგორც პაციენტის დასჯის მეთოდი. აღნიშნული რეკომენდაციის პასუხად მომხსენებელმა განაცხადა, რომ პაციენტის მიმართ მოპყრობის წესები განსაზღვრულია შესაბამისი ნორმატიული აქტებით, რომელთა დარღვევის შემთხვევაში, გათვალისწინებულია შესაბამისი სანქციები. მინისტრის მოადგილის განცხადებით, აღნიშნული წესების დარღვევისთვის, ორ სამედიცინო დაწესებულებას ჩამოერთვა ლიცენზია”, ნათქვამია ორგანიზაციის ვებ-გვერდზე.
წყარო: phrgeorgia.wordpress.com
