აჭარა. ბათუმში იმართება კონფერენცია ადგილობრივი თვითმმართველობის დონეზე გენდერული თანასწორობის პრინციპების დაცვის შესახებ. კონფერენციაში მონაწილეობას იღებენ სამეგრელოს რეგიონის შვიდი მუნიციპალიტეტის, აჭარის ავტონომიური რესპუბლიკის უმაღლესი საბჭოს და ასევე თბილისისა და ბათუმის თვითმმართველობების წარმომადგენლები. სამეგრელო და აჭარა საქართველოს პირველი რეგიონებია, სადაც, თბილისისა და ბათუმის მსგავსად, გენდერული თანასწორობის პრინციპები მუნიციპალურ პრაქტიკაში დაინერგება. კონფერენციის ორგანიზატორია ქალთა საინფორმაციო ცენტრი, გაეროს განვითარების პროგრამისა (UNDP) და შვედეთის მთავრობის ხელშეწყობით.
წყარო: ქალთა საინფორმაციო ცენტრი