საკანონმდებლო ცვლილებები ჰუმანური ნარკოპოლიტიკისთვის
თბილისი. ნარკოკანონმდებლობის ლიბერალიზაციის მიზნით, ნარკოპოლიტიკის ეროვნულმა პლატფორმამ ფონდ „ღია საზოგადოება საქართველოს" მხარდაჭერით მოამზადა საკანონმდებლო ცვლილებები.
„საკანონმდებლო ინიციატივები მიზნად ისახავს მოქმედი რეპრესიული ნარკოკანონმდებლობის ლიბერალიზაციას.
ნარკოტიკული ნივთიერებების დაახლოებით ¾-ისთვის კანონმდებლობა არ ითვალისწინებს მცირე და საშუალო (სისხლისსამართლებრივი პასუხისმგებლობის საწყის) ოდენობებს, რაც იმას ნიშნავს, რომ ამ ნარკოტიკების უმცირესი ოდენობაც კი კანონით მიიჩნევა დიდ ოდენობად და მისთვის სანქციის სახით რამდენიმეწლიანი პატიმრობაა გათვალისწინებული. კრიმინალიზების და იზოლაციის ტენდენცია დამატებით მარგინალიზებას უწევს ამ ჯგუფს და ზრდის მათი და მათი ოჯახების სოციალურ მოწყვლადობას", ნათქვამია ორგანიზაციის ვებ-გვერდზე.
წყარო: www.osgf.ge
