საიას რეკომენდაციების დიდი ნაწილი სამოქმედო გეგმის ბოლო ვერსიაში არ აისახა
თბილისი. საქართველოს ახალგაზრდა იურისტთა ასოციაცია ავრცელებს ინფორმაციას, რომ მათი რეკომენდაციების დიდი ნაწილი 2017-2018 წლების განახლებული ანტიკორუფციული სტრატეგიისა და სამოქმედო გეგმის ბოლო ვერსიაში არ აისახა.
„არაერთი სამუშაო შეხვედრის და შეთავაზებული საკითხების დეტალური განხილვის შემდეგ, 2017-2018 წლების ეროვნულ ანტიკორუფციულ სტრატეგიასა და სამოქმედო გეგმაში გათვალისწინებული იქნა პოლიტიკურ პარტიებთან და სასამართლო ხელისუფლებასთან დაკავშირებით საქართველოს ახალგაზრდა იურისტთა ასოციაციის მიერ წარდგენილი წინადადებები, რაც დადებით შეფასებას იმსახურებს. თუმცა, სტრატეგიის მიღმა დარჩა არაერთი მნიშვნელოვანი წინადადება", ნათქვამია ორგანიზაციის ვებ-გვერდზე.
წყარო: gyla.ge
