ლექცია იურიდიული ფაკულტეტის სტუდენტებისთვის
თბილისი. „ახალგაზრდა ადვოკატების" ხელმძღვანელმა სამოქალაქო პლატფორმა „ახალი საქართველოს” მოწვევით, სტაჟირების პროგრამაში მონაწილე იურიდიული ფაკულტეტის სტუდენტებისთვის საჯარო ლექცია წაიკითხა.
„არჩილ კაიკაციშვილმა წარადგინა ორგანიზაციის წარმოებაში არსებული საქმეები, განიხილა მათი სამართლებრივი და ფაქტობრივი შეფასება, სასამართლოს მიერ მიღებული გადაწყვეტილებების ანალიზი და მოისმინა იურიდიული ფაკულტეტის სტუდენტების შეხედულებები სადავო საკითხების სამართლებრივ დასაბუთებასთან დაკავშირებით. საჯარო ლექციის ფორმატში წარდგენილ იქნა საქმეები საკუთრების უფლებასთან, სახელშეკრულებო და შრომით უფლებებთან დაკავშირებული დავები", ნათქვამია ორგანიზაციის ვებ-გვერდზე.
წყარო: www.barristers.ge
