12-14 მაისს, საარჩევნო სისტემების საერთაშორისო ფონდის (IFES) და საერთაშორისო რესპუბლიკური ინსტიტუტის (IRI) ორგანიზებით გაიმართა ტრენინგი პოტენციური ქალი კანდიდატებისათვის. „ტრენინგის მიზანი იყო აქტიური ქალების გაძლიერება არჩევნების, გენდერის და კომუნიკაციის საკითხებში. ტრენინგი მოიცავდა შემდეგ საკითხებს: ეფექტური კომუნიკაცია; მედია კომუნიკაცია; საჯარო გამოსვლა და პრეზენტაცია; პერსონალური და საარჩევნო ბრენდინგი; კომუნიკაციის გენდერული განსხვავებები; არჩევნები და გენდერი სოციალური მედიაში და ა.შ. ტრენინგის პრაქტიკული ნაწილი ასევე მოიცავდა ინტერვიუების და საჯარო გამოსვლების ვიდეოჩაწერას და განხილვას ექსპერტების და მონაწილეების მიერ", ნათქვამია ორგანიზაციის ვებ-გვერდზე.

წყარო: ორგანიზაციის ვებ-გვერდი სოციალურ ქსელში