მოსაზრებები ახალ კანონპროექტზე
თბილისი. 5 აპრილს საქართველოს პარლამენტში დარეგისტრირდა მთავრობის ინიციატივა აუცილებელი საზოგადოებრივი საჭიროებისათვის საკუთრების უფლების ჩამორთმევის შესახებ ახალი კანონის პროექტის მიღების შესახებ.
„საერთაშორისო გამჭვირვალობა - საქართველო", ერთი მხრივ, დადებითად აფასებს მთავრობის ინიციატივას გამარტივდეს აუცილებელი საზოგადოებრივი საჭიროებისათვის საკუთრების უფლების ჩამორთმევის წესთან დაკავშირებული პროცედურები.
თუმცა, ორგანიზაცია თვლის, რომ „კანონპროექტის არსებული წესით მიღება ვერ უზრუნველყოფს საჯარო და კერძო ინტერესებს შორის ბალანსს, რაც გულისხმობს, ერთი მხრივ, საექსპროპრიაციო ქონების მესაკუთრისთვის ჩამორთმეული ქონების სანაცვლოდ ასანაზღაურებელი წინასწარი, სრული და სამართლიანი კონპენსაციის მიღებას, ხოლო მეორე მხრივ, ჩამორთმეული ქონების დანიშნულებისამებრ გამოყენებას აუცილებელი საზოგადოებრივი საჭიროებისათვის".
წყარო: www.transparency.ge
