წამყვანი ბიზნეს გაერთიანებების განცხადება
თბილისი. საქართველოს წამყვანი ბიზნეს გაერთიანებები კონსტიტუციის 94-ე მუხლთან დაკავშირებით საგანგებო განცხადებას ავრცელებენ.
„რამდენადაც ჩვენთვის ცნობილია, საქართველოს კონსტიტუციაში დაგეგმილი ცვლილებების პროცესში ჯერ კიდევ განიხილება შესაძლებლობა, რომ გაუქმდეს კონსტიტუციის 94-ე მუხლი, რომლის თანახმადაც ახალი გადასახადის შემოღება ან გადასახადის განაკვეთის გაზრდა დასაშვებია მხოლოდ რეფერენდუმის გზით.
ჩვენ, წამყვანი ბიზნეს გაერთიანებები, მივიჩნევთ, რომ კონსტიტუციის 94-ე მუხლის არსებული ფორმით შენარჩუნება აუცილებელია ქვეყნის ეკონომიკური ზრდის და განვითარებისთვის, სტაბილური ბიზნეს და საინვესტიციო გარემოს შენარჩუნებისათვის", ნათქვამია განცხადებაში.
წყარო: www.bm.ge
