თვითმმართველობებში მოქალაქეთა ჩართულობასთან დაკავშირებით კონფერენცია ჩატარდა
თბილისი. საქართველოს ადგილობრივ თვითმმართველობათა ეროვნული ასოციაციის (NALAG) და ევროპის საბჭოს ადგილობრივი და რეგიონული ხელისუფლების კონგრესის ორგანიზებით, გაიმართა კონფერენცია თემაზე: „მოქალაქეთა მონაწილეობის ინსტიტუციონალიზაცია - დემოკრატიული მმართველობის მნიშვნელოვანი ინსტრუმენტი".
კონფერენციას საქართველოს მთავრობის, პარლამენტის, არასამთავრობო და საერთაშორისო ორგანიზაციების წარმომადგენლები, სხვადასხვა ქალაქის მერები და მუნიციპალიტეტის გამგებლები დაესწრნენ. განხილვის საგანს საქართველოში ადგილობრივ თვითმმართველ ორგანოებში მოქალაქეთა მონაწილეობის, დეცენტრალიზაციის ახალი სტრატეგია და მისი მიმდინარეობა, სახელწიფო მართვის ეფექტურობის საკითხები და ევროპული ქვეყნების გამოცდილება წარმოადგენდა.
წყარო: ორგანიზაციის ოფიციალური ფეისბუქგვერდი
