ბავშვთა პალიატიური მზრუნველობის საპატიო ელჩი საქართველოში
თბილისი. საქართველოში ჩამოვიდა ჯოან მარტსონი - ბავშვთა პალიატიური მზრუნველობის საპატიო ელჩი.
„5 დღის განმავლობაში ჯოან მარტსონი გაუძღვება ჰოსპისის სამუშაო პროცესს და ჩაატარებს პრაქტიკულ სემინარებს ჰოსპისის თანამშრომლებისთვის. მისი დახმარებით მომზადდება გზამკვლევი ბავშვთა პალიატიურ მზრუნველობაში.
ჯოან მარტსონი პალიატიური მზრუნველობის სფეროში 28 წელია მოღვაწეობს. იგი მუშაობდა ბავშვთა ჰოსპისში, ასევე სხვადასხვა ჰუმანიტარულ მისიებში, იყო ბავშვთა საერთაშორისო ქსელის პრეზიდენტი. ჯოან მარტსონს დიდი წვლილი მიუძღვის ქრონიკული სენით დაავადებულ მოზრდილთა და ბავშვთა პოლიტიკის შემუშავებასა და განვითარებაში", ნათქვამია ორგანიზაციის ვებ-გვერდზე.
წყარო: www.osgf.ge
