სტრასბურგის სასამართლომ მარიკა წივწივაძის საქმე განსახილველად მიიღო
თბილისი. საქმე „თხელიძე საქართველოს წინააღმდეგ" (მარიკა წივწივაძის საქმე) სტრასბურგის სასამართლომ დააკომუნიცირა (განსახილველად მიიღო და შესაბამისი კითხვები გაუგზავნა მოპასუხე მხარეს, ანუ მთავრობას).
„სტრასბურგის სასამართლო ხაზს უსვამს შემდეგ კითხვებს: განახორციელა თუ არა სახელმწიფომ პოზიტიური ვალდებულებით დაკისრებული ყველა ის საჭირო ღონისძიება, რომ დაეცვა მარიკა წივწივაძის სიცოცხლე;
რა ზომები მიიღო სახელმწიფომ დასახელებული საქმის გამოსაძიებლად? პოლიციის თანამშრომელთა უმოქმედობის კუთხით თუ აღიძრა რომელიმე საქმე? განიცადა თუ არა მსხვერპლმა სქესის ნიშნით დისკრიმინაცია?
რადგან ოჯახში ძალადობის მსხვერპლები საქართველოში დაცულები არ არიან, მიეკუთვნებოდა თუ არა მსხვერპლი მოწყვლად ჯგუფს?", ნათქვამია ორგანიზაციის ვებ-გვერდზე.
წყარო: sapari.ge
