საზაფხულო ბანაკი პროგრამა „მომავლის თაობის“ პარტნიორი სკოლებისთვის გურიაში
გურია. გურიის ახალგაზრდული რესურსცენტრის ორგანიზებით პროგრამა „მომავლის თაობის" ფარგლებში ერთდღიანი ბანაკი მოეწყო.
„ბანაკის ფარგლებში პროგრამის პარტნიორი სკოლების მოსწავლეებმა და სამოქალაქო განათლების პედაგოგებმა გაწერეს ინდივიდუალური გეგმა, რომელიც მოიცავდა კლუბის მუშაობის სტრატეგიას, თვის მანძილზე ერთი სათემო ინიციატივის განხორციელებას, საერთაშორისო დღის აღნიშვნას, სტუმრის მოწვევას და ვიზიტებს სხვადასხვა დაწესებულებებში, ასევე პროგრამის ფარგლებში გამოცემული სამოქალაქო განათლების დამხმარე სახელმძღვანელოების და ბარათების კრებულის გამოყენებას.
ბანაკის ფარგლებში მომზადებული გეგმა დაეხმარება პედაგოგებს და მოსწავლეებს მომდევნო სასწავლო წელსაც შეინარჩუნონ აქტიური სასკოლო სამოქალაქო კლუბები და სამოქალაქო განათლების გაკვეთილებზე ორგანიზებულად და ეფექტურად მუშაობაში", ნათქვამია ორგანიზაციის ვებ-გვერდზე.
წყარო: gyrc.wordpress.com
