სასოფლო-სამეურნეო კოოპერატივებისა და ქალთა კლუბების წევრი ქალების გაძლიერება
თბილისი. ოქსფამის საქართველოს წარმომადგენლობამ სასოფლო-სამეურნეო კოოპერატივებსა და ქალთა კლუბებში გაერთიანებული ქალების გაძლიერების თაობაზე თბილისში კონფერენცია გამართა. ღონისძიება ევროკავშირის სოფლის მეურნეობისა და სოფლის განვითარების პროგრამისა (ENPARD) და ევროკავშირის მიერ დაფინანსებული პროექტის - „სასოფლო-სამეურნეო კოოპერატივების განვითარების მხარდაჭერა საქართველოში" - ფარგლებში გაიმართა.
პროექტის ფარგლებში, „კონსულტაციისა და ტრენინგის ცენტრი" სასოფლო-სამეურნეო კოოპერატივებსა და ქალთა კლუბებში გაერთიანებული ქალებისთვის ერთი წლის განმავლობაში ატარებდა სასწავლო კურსს მარკეტინგის, პრეზენტაციების/საჯარო გამოსვლების, ადვოკატირების, ლიდერობისა და ქალთა უფლებების, ასევე, მიწის საკუთრების მიმართულებით.
წყარო: ორგანიზაციის ვებგევრდი
