თბილისი. 29 ივლისს, ლილოს ბაზრობის მიმდებარე ტერიტორიაზე, ომბუდსმენის აპარატის თანამშრომელს და მის თანმხლებ პირს ფიზიკური და სიტყვიერი შეურაცხყოფა მიაყენა ობიექტის დაცვის 15-20 თანამშრომელმა. სახალხო დამცველი შეურაცხყოფის ფაქტზე დაწყებულ გამოძიებასთან დაკავშირებით განცხადებას ავრცელებს და მოუწოდებს სამართალდამცავ ორგანოებს „სისხლის სამართლის საქმეზე დროულად ჩატარდეს ყველა საჭირო საგამოძიებო და საპროცესო მოქმედება ობიექტური გარემოებების დადგენისა და დამნაშავე პირების დასჯის მიზნით".

წყარო: www.ombudsman.ge