თბილისი. საზოგადოებრივი ორგანიზაციების ნაწილი მმართველ პარტიას პრეზიდენტის შეთავაზების ყურადღებით განხილვისა და შეთანხმების მიღწევისკენ მოუწოდებს. ეს იკითხება განცხადებაში, რომელიც მათ დღეს გამოაქვეყნეს.

„საქართველოს პრეზიდენტმა მმართველ გუნდს საკონსტიტუტციო ცვლილებებთან დაკავშირებით 4 საკითხზე შეთანხმება შესთავაზა, რაც გულისხმობს: ბონუს მანდატების გაუქმებას, ბლოკების დაშვებას, პროპორციულ საარჩევნო სისტემაზე 2020 წელს გადასვლას, პრეზიდენტის არჩევას პარლამენტის მიერ, მას შემდეგ რაც ის ორპალატიანი გახდება”, - აცხადებენ ხელმომწერი ორგანიზაციები, - „მიგვაჩნია, რომ პრეზიდენტის აღნიშნული შეთავაზება არის გონივრული კომპრომისი და საკონსტიტუციო რეფორმის გარშემო ბოლო თვეებში არსებული ჩიხური ვითარებიდან გამოსვლის შესაძლებლობას იძლევა”.

წყარო: gdi.ge