TDI რელიგიის თავისუფლების მუხლზე მსჯელობის განახლებას მიესალმება
თბილისი. ტოლერანტობისა და მრავალფეროვნების ინსტიტუტი მიესალმება პრეზიდენტისა და პარლამენტის მზაობას, განაახლონ მსჯელობა რელიგიის თავისუფლების მუხლთან დაკავშირებით.
„2017 წლის 26 სექტემბერს პარლამენტმა საქართველოს კონსტიტუციაში ცვლილებები მესამე მოსმენით დაამტკიცა. ახალი რედაქციის თანახმად, რელიგიის თავისუფლების შეზღუდვა ექვსი საფუძვლით გახდა შესაძლებელი, რომელთაგან სამი კრიტერიუმი არ შეესაბამება საერთაშორისო ნორმებს და სახელმწიფოს მხრიდან უფლებაში არამართლზომიერი ჩარევის მაღალ რისკს წარმოშობს" - ნათქვამია ორგანიზაციის მიერ გავრცელებულ განცხადებაში, - „ვიმედოვნებთ, რომ ხელისუფლება გაითვალისწინებს ვენეციის კომისიის, რელიგიური გაერთიანებების, არასამთავრობო ორგანიზაციებისა და იურისტების პოზიციას და არ დაუშვებს საქართველოში რელიგიის თავისუფლების სტანდარტის გაუარესებას".
წყარო: ორგანიზაციის ვებგვერდი
