თბილისი. 17 ოქტომბერს, სამოქალაქო განვითარების სააგენტომ (CiDA) ქალი ამომრჩევლების საჭიროებების კვლევის პრეზენტაცია გაიმართა.

კვლევა სექტემბერში ჩატარდა და საქართველოს 10 რეგიონში სამოქალაქო საზოგადოების რეგიონული ქსელის (R-CSN) წევრმა არასამთავრობო ორგანიზაციებმა სულ 1106 ქალი გამოკითხეს. კვლევის მიზანი იყო რეგიონებში მცხოვრები ქალების პრიორიტეტების და საჭიროებების გამოვლენა.

რეგიონებში მცხოვრები ქალი ამომრჩევლების მიერ დასახელებული ყველაზე პრობლემური საკითხების პირველი ხუთეული ასე გამოიყურება:

გზებისა და ტროტუარების მოწესრიგება;

სასმელი წყლის ხელმისაწვდომობა;

პარკები, სკვერები და სხვა საჯარო ადგილები, გამწვანება, გარე განათება;

ბაღებისა და სკოლამდელი აღზრდის დაწესებულებების ხელმისაწვდომობა და გაუმჯობესება;

ნარჩენების მართვა;

წყარო: ორგანიზაციის ვებგვერდი სოციალურ ქსელში