საგანმანათლებლო პროექტი სამხედრო მოსამსახურეების შვილებისთვის
თბილისი. ნატოსა და ევროკავშირის შესახებ საინფორმაციო ცენტრის ინიციატივით, თავდაცვის სამინისტროსთან თანამშრომლობით 2008 წლის აგვისტოს ომში დაღუპული და დაჭრილი ჯარისკაცების შვილებისთვის საგანმანათლებლო პროექტი მიმდინარეობს.
„ამჯერად ინგლისური ენის უფასო კურსები სამხედრო მოსამსახურეების თბილისის მასშტაბით მცხოვრები შვილებისთვის ტარდება. პროექტში 22 მოსწავლეა ჩართული. „ედუ ჰაბი" და საინფორმაციო ცენტრი კვლავ გეგმავენ სოციალურ პროექტებში მათ წახალისებასა და სხვა მოსწავლეების ჩართვასაც", ნათქვამია ნატოსა და ევროკავშირის საინფორმაციო ცენტრის ვებგვერდზე სოციალურ ქსელში.
წყარო: ორგანიზაციის ვებგვერდი სოციალურ ქსელში
