სახალხო დამცველი რამდენიმე გახმაურებულ საქმეთა გამოძიების შედეგებს აჯამებს
თბილისი. საქართველოს სახალხო დამცველმა შეაჯამა იმ გახმაურებული საქმეების გამოძიების შედეგები, რომელიც, 2012 წლიდან დღემდე, საზოგადოების ინტერესებიდან გამომდინარე, საკუთარი ინიციატივით შეისწავლა, საპარლამენტო ანგარიშებში ასახა და, ეფექტიანი გამოძიების უზრუნველყოფის მიზნით, მათთან დაკავშირებით, რეკომენდაციები გასცა.
„ამ განცხადების მომზადების დღისთვის საქართველოს მთავარი პროკურატურიდან მიღებული ინფორმაციის თანახმად, მიუხედავად იმისა, რომ არაერთი საგამოძიებო მოქმედებაა ჩატარებული, ამ საქმეთა უმრავლესობაში დამნაშავე პირების გამოვლენა არ მომხდარა; უმეტეს შემთხვევაში არ არის მიღებული შემაჯამებელი გადაწყვეტილებები", - ამბობს საქართველოს სახალხო დამცველი.
წყარო: ორგანიზაციის ვებგვერდი
