თბილისი. 9 დეკემბერს, ადამიანის უფლებათა სახლში არასამთავრობო ორგანიზაციამ „კონსტიტუციის 42-ე მუხლი" და „კერძო უმაღლესი სასწავლებლების ასოციაციამ" საგანმანათლებლო დაწესებულებებში არსებული პრობლემების შესახებ პრესკონფერენცია გამართეს.

„საგანმანათლებლო დაწესებულებებში დაგროვდა სადაო საკითხები, სირთულეები, რომელთაც სტუდენტები და პროფესორ-მასწავლებლები ყოველდღიურად აწყდებიან, თუმცა ისინი ამ პრობლემებზე სხვადასხვა მიზეზების გამო ხმამაღლა არ საუბრობენ.

არსებობს უამრავი პრეცედენტი, რომლის დროსაც ირღვევა, როგორც სტუდენტის, ასევე პროფესორ-მასწავლებელთა უფლებები. ეს ყველაფერი გამომდინარეობს იქიდან, რომ არ არსებობს შესაბამისი რეგულაციის დადგენილი წესები", ნათქვამია ორგანიზაციის ვებგვერდზე.

წყარო: ორგანიზაციის ვებგვერდი სოციალურ ქსელში