თბილისი. 15 დეკემბერს პროექტის „საქართველოში სკოლამდელი განათლების ხელმისაწვდომობის ზრდისა და მისი ხარისხის გაუმჯობესების მხარდაჭერა" შემაჯამებელი კონფერენცია გაიმართა.

„პროექტი პოლონეთის საგარეო საქმეთა სამინისტროს დაფინანსებით საქართველოს რვა მუნიციპალიტეტში (ხულო, შუახევი, ქედა, ბაღდათი, ხარაგაული, წალენჯიხა, ჩხოროწყუ, ზუგდიდი) განხორციელდა. პროექტის ფარგლებში გაიხსნა 16 სასკოლო მზაობისა და 16 სკოლამდელი განათლების ცენტრი. 600-მდე ბავშვს ჩაუტარდა ერთჯერადი ფსიქოლოგიური და სამედიცინო შემოწმება, მუნიციპალური საბავშვო ბაღების 120 აღმზრდელს ჩაუტარდა ტრენინგი ხარისხიანი სკოლამდელი განათლების თემატიკაზე, ადგილობრივი თვითმმართველობების წარმომადგენლებისთვის მოეწყო სასწავლო ვიზიტი პოლონეთში, მომზადდა და გამოიცა მეთოდური სახელმძღვანელო აღმზრდელებისათვის", ნათქვამია ორგანიზაცის ვებგვერდზე სოციალურ ქსელში.

წყარო: ორგანიზაციის ვებგვერდი სოციალურ ქსელში