ქუთაისში მოქმედი არასამთავრობო ორგანიზაციების განცხადება
იმერეთი. ქუთაისში მოქმედმა თხუთმეტმა არასამთავრობო
ორგანიზაციამ ქუთაისში მიმდინარე მოვლენეთან დაკავშირებით განცხადება 28 თებერვალს
გააკეთა. „მოვუწოდებთ ქ. ქუთაისის ადგილობრივი თვითმმართველობის და ცენტრალური ხელისუფლების
შესაბამის ორგანოებს, მიაღწიონ კონსტრუქციული თანამშრომლობის რეჟიმს ქალაქისათვის და
მთლიანად ქვეყნისათვის მნიშვნელოვან ყველა საკითხთან მიმართებაში. არ დაუშვან ცენტრალურ
და ადგილობრივ ხელისუფლებას შორის ურთიერთობების ჩიხში შესვლა, რაც უპირველეს ყოვლისა
დააზარალებს საზოგადოების ინტერესებს", ნათქვამია განცხადებაში. არასამთავრობოები მოუწოდებენ მთავრობას უახლოეს მომავალში
დაიწყონ მუშაობა 2014 წლის ადგილობრივ ბიუჯეტზე რათა ბიუჯეტი ჩამოყალიბდეს სრულყოფილად
პროგრამული ფორმით, რომელშიც განსაზღვრული იქნება მიზნები და ამოცანები.
წყარო:gyla.ge
